لعل ابو بندر لياله طويله
عسا الحميدي المنايا تعداه
ابن الرجال اللي تعادل قبيله
واهل الكرم والطيب والعز والجاه
عز الرفيق ليا شكى الوقت ميله
مزبان من ضاقت عليه وتنصاه
والطيب لوحمله ثقل يرتكيله
لو الشقى من مكسب الطيب ياطاه
قليل من ياقف وقوفه باجيله
وقليل من يوصف بوصفه وشرواه
اللي ليا مني تضايقت اجيله
ولايذخر اللي يملك كف يمناه
والله يكثربالجماعه مثيله
والله يعز اللي يسوي سواياه
ويوفقه في كل يومه وليله
ويسهل اموره بدينه ودنياه
ماقلتها في طيب الساس حيله
طيبه سبق قليلن بمدحه نظمناه
وفيه المدايح لو مدحت قليله
ولو الشعر يطول بالمدح مكفاه
والرجل في دنياه وشوا حصيله
ان ماكسب معروف والطيب سواه
ليا انتها عمره وقرب رحيله
واقفا وخلا الحي والمال خلاه
بس الكفن ماغير لاقفا يشيله
هذا الذي من كسب دنياه خاواه
وعماله اللي بالعمر تنحصيله
ويذكربها لاحل ذكره وطرياه
واللي رحل ماطاب وعتزتيله
يموت ماحدن يفتكربه وينعاه
مايفقده غير الاهل والحليله
اللي ليا منه مضا عام تنساه
حبيبي لنتثر على دمعك من عيونك وزار شفاكـ
وصار الذوق بلسانك تحسه ملح علمني
لان الدمع من عينك يسولف لي عن اللي جاك
ويشرح ما عجز عنه لسانك به يصارحني
واذا كان القدر رافض يجمّعنا انا وياك
واذا بيومك صمت شوي بها الوقت تذكرني
ولا تبكي تبّسم لي بما اني على ذكراكـ
لأني مرحله حلوه بعمرك كيف تبكيني
حبيبي والله ان كلي يبيّن به اثر ممشاك
خطاوي قلبك الطيب اثرها مرتسم فيني
ولا تحسب فراق اجسادنا معناه انا بنساك
لانك عشقي الاول محال انساك صدقني
ظلام الليل والنجمه مع النسمه مع الشباك
اذا الليل انتصف جتني تناديني انا ويني
وتسألني حبيبك وين علامه ليش ماقد جاك
واجاوبها خلاص انسي محال اظنه يجيني
وقام الليل يبكي نور ظلامه مااحتمل فرقاك
والنجمه ورى الغيمه تقول ارجوك غطيني
والنسمه غدت عج وغبار وكلها ترثاك
وشباكي من الضيقه تكسر جرح ايديني
حبيبي شفت حبي لك ترك غيري بعد يهواك
وشفت اللي بهم قد صار تراه مساير سنيني
واذا ودك تشوف اشلون اهو كوني وانا بلياك
تخيلها بدون رموش بدون جفون انا عيني
