الدكتورة هدى
.:: إدارية الأقـسـام العامـة ::.
شويه تكات ومعلومات لكل ست بيت شاطره
1-عشان الباميه طعمها يكون احلي ومتتفتحش منك وتفضل ماسكه نفسها ولونها ميتغيرش اعصري نص ليمونه عليها وهي علي النار
2-الجلاش علشان ما يبقاش نئ من جوه ادهنى كل طبقة بالسمن السايحة او سخنى السمن ورشيها على الجلاش بعد ما تخلصيه قبل دخول الفرن ...برودة الجلاش وسخونة السمنة
ح تخلي الجلاش يتشرب السمن ولما تدخليها الفرن ح يكون الجلاش استوى من جوه
3-لما تعملى الرز سواء بسمتى او مصرى عادى ...
لو بسمتى الكوب بياخد كوب ونص ميه لو مش منقوع ..انما لو منقوع تحتاج كوب وربع ميه . اما الرز المصرى الكوب بياخد كوب ميه .
4-علشان البصل المحمر بتاع الكشرى والكشك ما يبقاش طرى رشى عليه نشا وحمريه ...النشا مش بيطلع السوائل اللى فى البصل ويفضل ناشف ومتحمر ومقرمش .
5-وانتى بتعملى الحوواشى او العيش باللحمة حطى حزمة كسبرة خضراء ورشة كباب صينى و رشة جوزة الطيب حتخلى الطعم مميز والريحة تحفة
6-لما تيجى تعملى اى حاجة فيها كاكاو او شوكولاته حطى ملعقة صغيرة قهوة ح تعطى طعم مميز جدااااا
7-اذا حدث وزاد الملح في طبق تقومين بطهيه اضيفي حبه بطاطس مقشره لامتصاص الملح
8-علشان صلصة المكرونة تكون معكى حلوة وتخينة فى قوامها وانتى بتسلقى المكرونة تاخدى حبة من ماء السلق وتحطيها على الصلصة بتعطى قوام تخين للصلصة وطعم مميز
9-علشان الملوخية تكون بعرق معكى ومتسقطش قطفيها بعروقها وكمان اغسيلها وتنشفيها وتخرطيها على طوال وده بقا فى الملوخيه الشتوى بس لانها مش بطعم ولا قوام الملوخية الصيفى
10-التوم علشان تقشريه بسهولة افضل طريقه هي وضع الثوم فى الميه البارد بتخلى القشر ينفصل بسهوله.
