الدكتورة هدى
.:: إدارية الأقـسـام العامـة ::.
شويه نصــــائح مطبخية
واللي مش هتعمل تعليق حلو زيها هازعل منها
♻ حطي في ملاحة الطعام كام حباية رز عشان الملح ميجمدش منك في ايام الرطوبة
♻لو عندك شرابات لونها ابيض وعاوزاها تبقي زي الفل انقعيها الاول نص ساعة في ماية سخنه ومعاها لمونة متقطعة شرائح هتفرق كتير في النضافة وهتشوفي بنفسك
♻لو بتستعملى شموع في بيتك و حابة انها تعيش و تقعد فترة اطول و متخلصش بسرعة حطيها قبل الاستخدام بفترة في الفريز كده هتعيش معاكي اطول
♻لو جبتي جزمة جديدة و اكتشفتي انها بتعمل صوت اثناء المشي ( بتزيأء) هاتي زيت و دفيه او سخنيه و هاتي قماشة و ادهني النعل و الجناب بيه والصوت هيختفى خالص
♻لو حطيتي كوبايتن جوا بعض و معرفتيش تخرجيهم حطي الكوباية الي تحت في ماية سخنه جدا و صبي في اللي فوق مايه ساقعة جدا هتلقيهم فصلوا بسهوله
♻لو بتستعملى بتفرمي لحمة في البيت و حابة انك تنضفي المفرمة يسهولة ومن غير ما تسيب اثر لريحة اللحمة فيها بعد ما تخلصى الفرم هاتى قطعة عيش ناشفة و افرميها جواها و اغسليها هتلاقي غسيلها سهل و مفيش روايح خالص
♻لو الانترية او السجادة او اي مفرش عندك اتبقع اتعاملى مع تنضيفة بطريقة الضغط مش الدعك لانك لو دعكتي البقعة هتنتشر و تكبر اكتر هتجيبي فوطة نضيفة و فيها المنضف بتاعك و تضغطي مرة ورا مرة لحد ما البقعة تختفى تدريجيا
♻لو عندك دهون في البوتجاز صعبة التنضيف هتجيبي ماية دافية و شوية من سائل تنضيف الصحون و 3 معالق كبيرة خل وزيهم كربوناتوا هتفرق معاكي كتير في النضافة و بدعكة خفيفة الدهون هتختفي
♻عشان تقللى من ريحة السمك المقلى جوا البيت حطي في الزيت الي هتقلى فيه نص لمونة او نصيين هتقلل من الريحة كتير
♻لو عندك في التلاجة صدا او خدش مشوه شكلها نضفى المكان المخدوش او المصدي كويس و هاتى منوكير ابيض او كوريكتور و ادهني المكان ده و سيبيه ينشف و هتلاقي الشكل بقي احلى كتير من الاول.......
ومتنسوش التعليق
وارفعو البوست بذكر الله عشان يوصل للكل واللايك والشيررررر عشان غيرنا يستفاد❤
