بيتى فور رائئئئئئئئئئئئع والله بيدوب فى اليد مش محتاج انك تمضغيه
المقادير ربع كيلو زبده صفراء من التلاجه لازم تكون من التلاجه مش سايحه عشان ما تسيلش و تضربيهم مع نص كوب سكر بودره لحد ما يبقوا زى الكريمه بعدين تنزلى عليهم تدريجيا ببياض بيضتين بياض بس عشان يبقى كرسبى حلو وبعدينمعلقه فانيليا وكله على الضرب وبعد ما يمتزج الخليط تضيفى كوب ونص دقيق تدريجيا حتى يصبح الخليط متجانس وناعم ثم تشكليه فى صينيه عليها ورقه زبده وفى الفرن على 180 درجه
لو عاوزاه بنى ضيفى فى الاخر شويه كاكاو وممكن بعدما تشكليه وردات تحطى صباعك فى الدقيق وتعملى حفرة بسيطه ولما تستوى تحطى فى الحفرة دى مربى او شيكولاته
