انا كنت بتخنق من خرط الملوخية وكمان بحبها طازة مش مجمدة ولا ناشفة وبعدين اكتشفت طريقة سهلة خالص
لخرط الملوخية بدون مخرطة ودوقى الطعم
المقادير
نص كيلو ملوخية
توم وكثبرة
مرقة ممكن تكون مرقة دجاج او لحمبقرى او جمبرى اللى انتى بتحبى
الطريقة
ننقى الملوخية ونغسلها جيدا ونضعها فى مصفى حتى تتصفى
نغلى نصف كوب ماء ونسقط الملوخية فيه ونقلبهلا مرة واحدة ونطفى النار يعنى غلوة بس
ناخد الملوخية وفى الخلاط ونطحنها تمام كده خلصنا من الخرط
نيجى بقى للطبخ
نغلى مقدار قليل من المرقة ونضع عليه مكعب مرق وبعد الغليان نضيف الملوخية المخلوطة فى الخلاط ونقلب حتى تتمتزج مع المرقة وحتلاقى لونها وريحتها واو
نتركها تغلى غلوتين فقط ونكون محضرين الطشه بالتوم
وهى عبارة عن معلقة صغيرة توم مفروم ناعم جدا ومعلقة كثبرة صغيرة ومعلقة كبيرة سمن
وياريت تكون سمن بلدى
نضع التوم والكثبرة على الطاسة اللى فيها السمن السايح ونقلب لغاية ما لونها يبقى دهبى ونضيفها على الملوخية وغلوتين ونطفى النار ونستمر فى التقليب لمده نص دقيقة ونتركها دون غطاء علشان نحتفظ باللون الاخضر الجميل خاصتها وبعد ما تهدى نغطيها طبعا
وتقدم ساخنه مع الارز بالشعريه والشوربه وطبق سلطة مشكل وبالهنا والشفا
