خير الناس أنفعهم للناس
.:: أداري أقسام .... ::.
بسم الله الرحمن الرحيم
حياكم الله وبياكم , وجعل الجنة مثوانا ومثواكم
(( أسئلة يسألها الأطفال مع الرد عليها ... هام لكل أب وأم ))
بداية أسأل الله أن يبارك في أطفال المسلمين ويرزقهم الصحة والعافية ويجعلهم من الصالحين .
أطفالنا , ما إن تنطلق ألسنتهم بالكلام يبدأوا بالأسئلة والاستفسارات , وهذا طبيعي جدا
فيسألوا عن الله , وعن الأنبياء , وعن حياتهم , وعن الجنة والجنة , والملائكة والجان , وعن العبادات والمعاملات ,
وعن كيف جاء , وأين كان ووووو الخ
فهذه الأسئلة يجب الرد عليها وعدم إهمالها , وبنفس الوقت لا تجيب اجابات خاطئة .
وهنا بإذن الرحمن , سأجمع لكم قدر المستطاع من أسئلة الأطفال مع الرد عليها باسلوب بسيط يفهمه .
وبارك الرحمن فيمن كتبها حتى وصلتنا لننتفع بها .
نبدأ بسم الله ...
أختي انتبهي لكل لفظ أنا هكتبه ..لأن فيه ألفاظ مينفعش أستخدمها في الكلام عن ربنا جل وعلا
أبشرك يا أيتها المربية الحريصة على ولدك أن أسئلة الولد دليل على ذكائه أسأل الله أن يصلح أولادنا وينبتهم نباتا حسنا أنا تعمدت أكتب بالعامية لأنك بتخاطبي بيها ابنك وخليت المصطلحات الشرعية أقرب لفصحى سهلة عشان كل الجنسيات العربية تستفيد الله المستعان وعليه توكلت إليه نفوض أمرنا كله دقه وجله ونتبرأ من كل حول لنا وقوة ونلجأ إليه وحده لا شريك له
أين الله؟
في السماء على العرش ربنا قال : الرحمن على العرش استوى العرش ده كبير جدااااااا وربنا أكبر من العرش أنت مش هتقدر تتخيل هو أد أيه كبير لأن ربنا مفيش حاجة زيه أبدا هو أجمل وأعظم وأكبر من كل حاجة هتتخيلها
هنروحله امتى؟
ربنا خلقنا في الدنيا عشان نجمع حسنات كثييييييييييرة جدا وبعدين نروحله لما نموت اللي عمل حسنات كثير أوي يدخل الجنة ويشوف ربنا ويبقى عنده كل حاجة بيحبها واللي مش هيبقى عنه حسنات هيروح النار ومش هيشوف ربنا
.
عنده إيدين وفم وبياكل؟؟
ربنا عنده إيدين بس مش زي إيدنا لأن ربنا ليس كمثله شيء لكن مش بياكل لأنه مش محتاج ياكل أنت بتاكل عشان تكبر ..ربنا كبير مش محتاج ياكل عشان يكبر أنت بتاكل عشان تبقى قوي ..ربنا قوي مش محتاج ياكل عشان يكون قوي
ربنا هيفرح لما أجيبله هديه؟
ربنا ادالك كل الهدايا والنعم دي وطلب منك تعبده وحده وتحبه وتسمع كلامه في القرآن وتسمع كلام النبي وتحبه ربنا بيفرح لما حد يدعيه ويعمل الطاعة لو حد ذكر الله وسبح ربنا بيذكره ويقول اسمه عند الملائكة ربنا مش محتاج منك هدية لأن هو اللي بيديك كل الهدايا والنعم ..حتى أنا لو جبت لك شيء دي أصلا من نعم ربنا عليا وعليك ..لأن هو اللي أنهم عليا بالفلوس لكن ربنا يحب منك قلبك يحبه ويسمع كلامه ويحب منك تسارع للطاعة وتبعد عن الغلط
.
-- بنتى عندها اربع سنوات .. عندها فضول لكل شئ .. كل ما اكلمها عن الله .. بتبقى عاوزة تعرف عنه شىء ملموس .. ولما اشرحلها ..ان ربنا اكبر من كل شىء يا مريم ومينفعش نشوفه .. تقولى ليه هو زعلان .. طب ليه مش عاوز يشوفنا !!
--
قولي لها :
ربنا هــ "نراه" في الآخرة هيشوفه المؤمنون لأن ربنا جميل وكبير وعظيم والنظر لوجهة دي حاجة جميلة جدااااا فهي مكافأة المؤمنين لأنهم عبدوا ربنا في الدنيا وحبوه من غير ما يروه وربنا سبحانه وتعالى بيحب المؤمنين فاحنا علينا نهتم نكون مؤمنين ونعمل اللي ربنا بيحبه عشان ندخل الجنة وننظر لوجه الله ونكلم ربنا
.
كمان دايما تشتاق لوالدى ..فاقولها ده توفى وراح عند ربنا ... ليه يا مامى . ما كان ربنا سابوهلنا ..وتزعل.. اقولها هو راح الجنة وربنا بيحبه.. ترجع تزعل تانى ..طب ما كده ربنا مش بيحبنا لو بيحبنا كان ودانا مع جدو فى الجنة ... وهكذا . ساعات من كتر الاسئلة والجدال مببقاش لاقية اجبابات .. ولصغر سنها مبتقاش فهمانى اوى
--
قولي لها جدو مات وكلنا هنموت كل واحد له موعد هيموت فيه
متقوليش جدو راح الجنة ..دي شهادة لمعين بالجنة وده خطأ
قولي لها ربنا خلقنا في الدنيا دي عشان كل واحد يعمل ويجتهد ولما يجي دوره ويموت يكون معاه حسنات كثير فيدخل الجنة وركزي وحولي الحوار معاها للي ممكن تعمله عشان تكون مسلمة كويسة عشان تجمع حسنات؟؟
.
انا ابني دائما بيسالني هو الي بيموت مش بيروح الجنه طب ليه بنحطه تحت الأرض لما هو هيروح عند ربنا وربنا فوق ليه ربنا مايخذوه من الأول
---
ج:
قولي له لوقت اللي بيموت ده أيه الفرق بينه وبين اللي عايش؟؟
-- اللي ميت مش بيتحرك صح؟؟ مش بيسمع مش بياكل مش بيتكلم صح؟ طيب واللي عايش بيتكلم وبياكل وبيتحرك يبقى فيه فرق صحيح؟ الحي عنده حاجة اسمها "روح "
الميت معناه أنه خلاص خرجت الروح دي الروح بتروح عند ربنا والجسم بنحطه تحت الأرض لما يجي يوم القيامة ربنا عظيم وقادر فيرجع الروح للأجسام كل روح ترجع لجسمها ويدخل المؤمن الجنة واللي مش مؤمن يدخل النار
)[FONT="]يا جماعة مش كل الي بيموت بيروح الجنة ..فيه أخوات عانوا مع أولادهم بسبب الغلطة دي أن ولادهم حاولوا يرموا نفسهم من الشباك عشان يموتوا لان الموت معناه يروح الجنة ....شوية توازن . أيه الأزمة في أنه يفهم انه فيه نار وجنة ومطلوب نشتغل عشان ندخل الجنة؟؟)
.
س:
لما أحكي قصة قابيل وهابيل ازاي أفهم بنتي يعني أيه قربان؟
ج:
قربان من القربة ...يعني زي ما بنذبح في العيد ..بنعمل طاعة معينة ربنا أمر بيها عشان نتقرب لله وأفضل أننا نقول عن قابيل وهابيل ابني آدم إلا لو ثابت عندك أنه ورد ذكر أسمائهم فنقول أن أبني آدم تقربوا لله بقربان معين فربنا تقبل من واحد منهم لأنه كان مخلص لله وكان بيختار الشيء اللي يتقرب به لله من أفضل ما عنده.....الخ
س.
في قصة سيدنا إبراهيم ازاي أقول للسن الصغير أنه قال أنه مكسرش الأصنام ماهي إشارة خضراء للكذب كمان ازاي أقول أنه حاول يذبح ابنه؟؟؟
ج:
في قصة سيدنا إبراهيم تقولي: سألوه يا إبراهيم أنت اللي كسرت الأصنام فقالهم: اسألوا الصنم الكبير لو بيعرف يتكلم هيقول لكم مين اللي كسرها
.
ونقطة في قصة الذبح إما أنك تكوني عاقلة جدا وتوضحي أد أيه أن الأمر بالذبح ده كان ابتلاء وأنه ازاي يقتل ابنه ويذبحه وأن ربنا فداه بالخروف الكبير بعد ما اختبره لأن ده خاص بالنبي إبراهيم إما تنتظري لحد ما ولادك يعقلوا
س:
ابني 5 سنين سألني ربنا خلقنا ازاي؟؟
ج:
احكي له قصة سيدنا آدم وبعدين قولي له لما الراجل بيتزوج المرأة ربنا سبحانه وتعالى بيرزقهم طفل في بطن الأم وسبحان الله ربنا بينفخ في النونو الي في بطن الأم ده الروح بعد 120 يوم ويفضل يكبر لحد ما يبقى كبير وبينزل من تحت بطنها (بعد شوية لما يكبر أكير هيسأل تاني لازم تفصلي أكثر بدون كذب لأن ده نوع من لتربية الجنسية مهم جدا بدل ما يروح برة ويسأل برة
.
س:
أيه هي الروح دي؟؟
ج:
الروح دي حاجة مخلوقة ربنا خلقها بيجعل بيها الإنسان يتحرك ..لما يخلص عمره الروح رجع لربنا ويوم القيامة ترجع الروح للجسم تاني عشان المؤمن يدخل الجنة والي مش مؤمن يدخل النار
.
س:
ليه ربنا خلق الحشرات؟؟
ج:
ربنا خلق الكون ده وفيه كل شيء صغير وكبير النبات محتاج حشرات عشان يبقى كبير ويكثر والحيوانات محتاجة الحشرات والنباتات عشان تكبر وتكثر وأنت محتاج النبات والحيوانات عشان تاكلهم فكل ده كون متوازن ربنا خلقه عشان لما نشوفه نحمد ربنا ونعرف عظمته كمان شوف ربنا قادر يخلق الفيل الكبير جدا وقادر يخلق النملة والذبابة الصغننة جدا وكل شيء في الكون موزون من غيره فيه حاجات مش هتلاقي أكلها والدنيا دي مش دار جزاء يعني مش مخلوقين فيها عشان نتبسط وبس لا احنا مخلوقين عشان ربنا بيختبرنا مين هيجمع حسنات كثير؟؟ ففيه أشياء ممكن بتضايقنا لوما نتضايق ناخد ثواب يعني الذباب لما يضايقك بتاخد ثواب وتيجي يوم القيامة تلاقي حسنات كثيرة وفي الجنة مفيش حاجة هضايقك خالص .. قول يارب ندخل الجنة
س
بنتي اربع سنوات، بتقول لى انا عاوزة لما اروح الجنة احضن ربنا،
ج:
ربنا كبير جدااااا ولو نظرت له سبحانه وتعالي هتتبسطي جدااااااا شوفي انا لما بحضنك بتكوني أنت بين إيدي عشان احنا أد بعض لكن ربنا كبير وعظيم ومش زينا هنكلمه ونسمع صوته سبحانه في الجنة وننظر له وهنكون مبسوطين أوي وروحي ناقلة على أن الجنة حلوة أوي وفيها بحر وعصافير تلعبي معاهم وشجر جميل ووووووووو
..
هذا الجهد في الرد كان للأخت : سارة بنت محمد حسن , الله يتقبل منها
وكل جديد في الأسئلة والردود سوف أضعه هنا ....
وكل جديد في الأسئلة والردود سوف أضعه هنا ....
وأسأل الله أن يصلح حالنا وحال أطفالنا والمسلمين جميعاً ...
لا تنســـــوا الهمة في النشر ...
يُتــبـــع في الأسفل ...
تابعـــــــــــونا ..
[ .......................................................... ]
متى وصلك أي موضوع فيه فائدة ...
]لا تبخل بنشره فهناك من يحتاجه ولك الأجر بإذن الرحمن
أسألكم الدعاء في ظهر الغيب
سبحان الله وبحمده ... سبحان الله العظيم
سبحان الله , الحمد لله , لا إله إلا الله , الله أكبر
لا حول ولا قوة إلا بالله
التعديل الأخير بواسطة المشرف:
